சசிகுமாருக்கு நன்றி...! வந்தே மாதரம்...!!

வணக்கம் மக்களே...

நேற்றிரவு தமிழ்மணத்தின் இந்த வார முன்னணி வலைப்பதிவுகளை பார்த்ததும் எனக்கு அதிர்ச்சியோ அதிர்ச்சி. என்னுடைய பெயரும் வலைப்பூவும் லிஸ்டில். இதைப் பார்த்ததும் முதல் வேலையாக அண்ணன் சசிகுமாருக்கு நன்றி தெரிவிக்க வேண்டும் என்று முடிவு செய்தேன். இந்த வாரம் (அடுத்த வாரம் இந்த பதிவினாலோ) நான் முன்னணி லிஸ்டில் இடம் பெற்றிருக்கிறேன் என்றால் அதற்கு முழுமுதற்காரணம் சசி மட்டுமே. நம்ம கடை பக்கம் கொஞ்சம் கூட்டம் வந்துச்சுன்னா அதுக்கு சசிகுமாரின் புகழ் மட்டுமே காரணம் என்றால் மறுப்பதற்கில்லை. இந்த வார சாரி, இந்த வார தேங்க்ஸ் இரண்டையும் சசிகுமாருக்கு சமர்ப்பிக்கிறேன். நடந்த சம்பவங்களுக்காக வருந்திக்கொண்டிருக்கும் வேளையில் இப்படி ஒரு செய்தி வந்து ஆறுதல் தந்திருக்கிறது. சத்தியமா எதுவுமே ப்ளான் பண்ணி செய்யலங்கோ... என்ன நம்புங்க.

வழக்கம் போல டாப் லிஸ்டில் இருக்கும் வினவு, கலகலப்ரியா, கே.ஆர்.பி.செந்தில், ஜாக்கி சேகர், சசிகுமார், உண்மைத்தமிழன், கேபிள் சங்கர், மங்குனி அமைச்சர், கருந்தேள் கண்ணாயிரம், டோண்டு, சந்தனமுல்லை, வானம்பாடிகள், “அட்ராசக்க” செந்தில்குமார், தீராத பக்கங்கள், வருண், நண்டு@நோரண்டு ஆகியோருக்கு வாழ்த்துக்கள்.

இவை தவிர சென்ற வாரம் சி.பி.செந்தில்குமார் ஆரூடம் சொன்னதுபோல சில புதியவர்கள் லிஸ்டில் சேர்ந்திருக்கிறார்கள் அவர்களைப் பற்றி பார்ப்போம்.

துமிழ்:

பதிவின் பெயர்: துமிழின் பக்கம்

வலைப்பூ ஆரம்பித்தது: November 2009 (ஓராண்டு நிறைவடைந்து விட்டது)

இதுவரை எழுதிய பதிவுகளின் எண்ணிக்கை: 187 (இருநூறு பதிவுகளை நோக்கி...!)

பின்தொடர்பவர்களின் எண்ணிக்கை: 261

வகையறா: மருத்துவம், பாலியல்

எனக்குப் பிடித்த பதிவு: சினிமா விமர்சனமும் இணைய எழுத்தாளர்களும்...!

இவர் எழுதிய பதிவுகள் பலருக்கு பல விஷயங்களை கற்றுக்கொடுத்திருக்கும். மருத்துவம் மற்றும் பாலியல் சம்பந்தமான பதிவெழுதுவதில் சிறந்து விளங்குபவர். சமீப காலமாக சமூகப் பதிவுகளையும் எழுதி வருகிறார். மேற்கூறிய இணைய எழுத்தாளர்கள் பற்றிய பதிவிலும் அதற்கு முந்தய பதிவிலும் அனானிகளிடம் அதிக திட்டு வாங்கிய பெருமை இவருக்கு உண்டு.

சுபா:

பதிவின் பெயர்: சுபாவின் குறிப்பு

வலைப்பூ ஆரம்பித்தது: August 2010

இதுவரை எழுதிய பதிவுகளின் எண்ணிக்கை: 209 (நான்கே மாதங்களில்...!)

பின்தொடர்பவர்களின் எண்ணிக்கை: 7 (சத்தியமா நம்ப முடியல)

வகையறா: மருத்துவம், சமையல்

எனக்குப் பிடித்த பதிவு: சைனீஸ் சில்லி சிக்கன், பேரிச்சம்பழ கேக் மேலும் பல...

இப்போது கண்டிப்பாக தமிழ்மணத்திற்கு நன்றி சொல்லியே ஆக வேண்டும், அறியப்படாத ஒரு பதிவரை அறிமுகப்படுத்தியதற்காக. மேற்கூறிய ஏழு பேரில் நீங்கள் இல்லையெனில் இப்போதே பின்தொடர ஆரம்பித்துவிடுங்கள். துமிழைப் போல ஆழமான மருத்துவ சம்பந்தமான பதிவுகளாக அல்லாமல் உடல் நிலம் குறித்த சிறிய ஆனால் பல அரிய தகவல்களை நாம் அறிய கொடுத்திருக்கிறார். சுபாவுக்கு ஒரு பர்சனல் அட்வைஸ்: உங்கள் வலைப்பூவில் பாடலை நிறுத்துங்கள். அது அலுவலகத்தில் வலைப்பூ படிப்பவர்களுக்கு உறுத்தலாக இருக்கக்கூடும்.

ரஹீம் கசாலி:

பதிவின் பெயர்:  ரஹீம் கசாலி

வலைப்பூ ஆரம்பித்தது: July 2010

இதுவரை எழுதிய பதிவுகளின் எண்ணிக்கை: 97 (இந்த வாரத்தில் நூறை தொட்டுவிடுவார்...)

பின்தொடர்பவர்களின் எண்ணிக்கை: 74

வகையறா: சமூகம், சினிமா

எனக்குப் பிடித்த பதிவு: ஆட்டோ சங்கர் – ஒரு பிளாஷ்பேக்

வலைப்பூவுலகில் எனது நெருங்கிய நண்பர்களுள் ஒருவர். அவரது க்யூட் குழந்தையின் படம்  அவரது வலைப்பூவின் முகப்பில் நம்மை வரவேற்கிறது. அதிவேகமாக வளர்ந்து வரும் இவர் கூடிய விரைவில் பிரபல பதிவர்களின் பட்டியலில் இணைவார் என்பதில் ஐயமில்லை.

தொப்பி... தொப்பி...

பதிவின் பெயர்: ☼ தொப்பி தொப்பி☼

வலைப்பூ ஆரம்பித்தது: August 2010

இதுவரை எழுதிய பதிவுகளின் எண்ணிக்கை: 52

பின்தொடர்பவர்களின் எண்ணிக்கை: 82

வகையறா: அரசியல், சமூகம்

எனக்குப் பிடித்த பதிவு: பிச்சை எடுக்கும் ட்ராபிக் போலீஸ்கள்

நேதாஜி சுபாஷ் சந்திர போஸ் படத்தை ப்ரோபைல் படமாக வைத்திருக்கும் இவர் அரசியல் குறித்த ஆரூட பதிவுகளை எழுதுவதில் வல்லவர். இவர் வாரம் ஒருமுறை கொக்கா மக்கா என்ற பெயரில் எழுதும் பல்சுவை பதிவுகள் பிரசித்தம்.

NKS.ஹாஜா மைதீன்

பதிவின் பெயர்: NKS.ஹாஜா மைதீன்

வலைப்பூ ஆரம்பித்தது: June 2009 (October 2010ல் ரீ-என்ட்ரி)

இதுவரை எழுதிய பதிவுகளின் எண்ணிக்கை: 53

பின்தொடர்பவர்களின் எண்ணிக்கை: 19

வகையறா: அரசியல், சினிமா

எனக்குப் பிடித்த பதிவு: காமெடி கட்சிகள்

மற்றுமொரு வலையுலக நண்பர். இதுவரை அறிமுகமாக இருந்த இவர் இனி தமிழ்மணத்தின் மூலம் அறிந்த முகமாகிவிடுவார். அரசியல் மற்றும் சினிமா பற்றி நகைச்சுவை கலந்து எழுதும் ஆற்றல படைத்தவர்.

மேற்கூறிய அனைவரும் மேன்மேலும் வளர வாழ்த்துக்கள்...

என்றும் அன்புடன்,

N.R.PRABHAKARAN