இது என்ன மாற்றம்...? – தமிழ்மணம்

வணக்கம் மக்களே...

தொடர்ந்து மூன்றாவது வாரமாக எனது பதிவை TOP 20 பட்டியலில் சேர்த்து என் வயிற்றில் வோட்காவை வார்த்திருக்கிறது தமிழ்மணம். அநேகமாக தமிழ்மணம் TOP 20 பட்டியல் வெளியிடுவது இது நான்காவது வாரம் என்றே நினைக்கிறேன். முதல் வாரத்தில் எனது பதிவு பட்டியலில் இல்லை. அப்போ ச்சீ... இந்த பழம் புளிக்கும் என்று பாவலா காட்டிக்கொண்டேன். இரண்டாவது வாரம் சில அசம்பாவிதங்களால் எனக்கு ஆயிரக்கணக்கில் ஹிட்ஸ் கிடைத்து பதிமூன்றாவது இடத்தை பெற்றேன். இது ஒருவித போதையைத் தர அடுத்த வாரம் உற்சாகமாக எழுதி பதினோராவது இடமும் கடந்த வாரம் பதினாறாவது இடமும் பெற்றிருக்கிறேன். தமிழ்மணம் தளத்திற்கு எனது மனமார்ந்த நன்றிகள். வழக்கமாக ஞாயிற்றுக்கிழமை பட்டியலை வெளியிடும் தமிழ்மணம் இந்த வாரத்தில் இருந்து சனிக்கிழமை பட்டியல் வெளியிட ஆரம்பித்துவிட்டது என்று கருதுகிறேன்.

தமிழ்மணம் நான் தவறிப்போய் படிக்காமல் விட்ட சில பதிவர்களை வாராவாரம் அறிமுகப்படுத்திக்கொண்டிருக்கிறது. கிரி, மானங்கெட்ட தமிழன், ஜோதிஜி என்று இந்த வாரமும் எனக்கு மூன்று முத்தான பதிவர்களை தமிழ்மணம் அறிமுகப்படுத்தி உள்ளது. தமிழ்மணத்திற்கு நன்றிகள், பதிவர்களுக்கு வாழ்த்துக்கள். கடந்த வாரம் “மாற்று” என்ற பதிவினை அறிமுகப்படுத்தியது. இந்த வாரம் மாற்று, தமிழ்மணத்தின் மொத்த தர வரிசையையும் மாற்றி முதலிடம் பிடித்திருக்கிறது. அவருக்கு ஒரு பூச்செண்டு.

எனக்கு மிகவும் பிடித்தமான பதிவர்களில் ஒருவரான “அட்ராசக்க” செந்தில்குமார் இரண்டாவது இடத்தை பிடித்திருப்பது மகிழ்ச்சியைத் தந்தது. ஆனால் அட்ராசக்க என்ற அவரது பதிவின் பெயர் சிபி பக்கங்கள் என்று வெளியாகி உள்ளது. அவருக்கு மட்டுமல்ல நான் உட்பட பலருக்கு தமிழ்மணம் கணக்கை தொடங்கும்போது என்ன பெயர் கொடுத்தோமோ அதுவே இன்றுவரை தொடர்கிறது. நான் ஆரம்ப ஆர்வக்கோளாறில் “Philosophies Redefined” என்று ஆங்கிலத்தில் தலைப்பு கொடுத்திருந்தேன். அது இன்றுவரை தொடர்கிறது. தமிழ்மணம் தளத்திற்கு சென்று ஆராய்ந்தும் பார்த்துவிட்டேன் பலனளிக்கவில்லை. இது சம்பந்தமாக தமிழ்மணத்திற்கு மெயில் அனுப்பலாமா என்று தோன்றுகிறது. நீங்கள் என்ன சொல்கிறீர்கள்...?

தொடர்ந்து முன்னேறிக்கொண்டிருக்கும் தமிழ்மருத்துவம் துமிழுக்கு கூடிய விரைவில் முதலிடம் பிடிக்க வாழ்த்துக்கள். நீங்கள் இல்லாத ஒரு பதிவுலகத்தை நினைத்துப் பார்க்கமுடியவில்லை. இங்கே நிறைய பகுத்தறிவாளர்கள், ஆன்மிகவாதிகள், கம்யூனிஸ்டுகள் இருக்கலாம். ஆனால் உங்களைப்போல ஒரு மருத்துவர் கிடைப்பது அரிது. உங்கள் சேவை எங்களுக்கு தேவை. மற்றொரு மருத்துவ பதிவரான அலைகள் பாலா அதிக ஆணி காரணமாக அதிகம் எழுதுவதில்லை. அவரை கூடிய விரைவில் வலையுலகம் திரும்ப வேண்டுகிறேன்.

நான் வலையுலகம் வந்த புதிதில் இருந்து தொடர்ந்து விரும்பி படித்துவரும் பதிவு சுடுதண்ணி. முன்பைப் போல முழுவேகத்தில் எழுதாமல் இருந்திருந்தார். இப்பொழுது மறுபடி ரீ-என்ட்ரி கொடுத்திருக்கிறார். அவருக்கும் வாழ்த்துக்கள். அவரது சிஷ்யர் ஜில்தண்ணியும் ஒரு காலத்தில் ஓஹோவென்று பொழிந்துக்கொண்டிருந்தவர் இப்பொழுது ஐஸ்கட்டியாக மாறிவிட்டார். அவரும் பழையபடி ஜில்லென்று எழுதினால் நன்று.

வாராவாரம் எனக்கு முன்னால் என்னுடைய தர வரிசையை பார்த்து வாழ்த்து தெரிவிக்கும் ரஹீம் கஸாலிக்கு முதலில் நன்றிகள். நீங்கள் சொல்லாமல் இருந்திருந்தால் நான் ஞாயிறு காலைதான் பட்டியலை பார்த்திருப்பேன். மீண்டும் TOP 20க்குள் நுழைந்திருக்கும் உங்களுக்கு ஒரு பொக்கே.

பிச்சைக்காரன் (இதுவும் பதிவரின் பெயர்தான்) கடந்த வாரமும் இந்த வாரமும் பதினெட்டாவது இடத்தை கெட்டியாக பிடித்துக்கொண்டிருக்கிறார். என்ன நண்பா மேலே போகும் எண்ணம் இல்லையா...? கூடிய சீக்கிரம் முதல் பத்திற்குள் நுழையுற வழிய பாருங்க.

பெயர் சொல்ல விருப்பமில்லை (இருந்துவிட்டு போகட்டும்). இவரும் நான் நீண்டகாலமாக விரும்பி படிப்பவர்களில் ஒருவர். கடந்த மூன்று வாரங்களாக 21வது இடத்திலேயே நிலையாக இருந்து வந்தவர் ஒரு படி முன்னேறி 20வது இடத்தை பிடித்திருக்கிறார். வாழ்த்துக்கள்.

மேலும் தொடர்ந்து TOP 20 பட்டியலில் இடம்பெற்றுவரும் பிரபல பதிவர்கள் வினவு, கே.ஆர்.பி.செந்தில், ஜாக்கி, தீராத பக்கங்கள், டோண்டு, உண்மைத் தமிழன், வேல் தர்மா, வெட்டிப்பேச்சு சித்ரா, கேபிள், நண்டு@நொரண்டு, ரிலாக்ஸ் ப்ளீஸ், மங்குனி அமைச்சர், ராஜ நடராஜன் போன்றவர்களை வாழ்த்த வயதில்லை வணங்குகிறேன்.

டிஸ்கி: தலைப்பு தேடி அலைந்துக்கொண்டிருக்கும் வேளையில் வாராவாரம் மிகவும் சுலபமாக ஒரு தலைப்பை ஏற்பாடு செய்துகொடுக்கும் தமிழ்மணமே... உன் மணம் உலகெங்கும் கமழட்டும்.

என்றும் அன்புடன்,

N.R.PRABHAKARAN