புதிர்ப்போட்டி

முஸ்கி 1: யாரும் கேள்வியைக் கூட படிக்காமல் தெரியலையே மச்சி ஒரு குவாட்டர் சொல்லேன்னு அசடு வழிந்தபடி பின்னூட்டம் போடாதீர்கள். குறைந்தபட்சம் ஒரு முயற்சியாவது செய்து பார்க்கலாமே.

முஸ்கி 2: இந்த இரு புதிர்க் கேள்விகளும் நானே சிந்தித்தவை அல்ல, ஒரு புத்தகத்தில் படித்ததை உங்களுடன் பகிர்ந்துக்கொள்கிறேன். எனினும் விடைகளை படித்து உணர்ந்திருக்கிறேன்.

முஸ்கி 3: இரண்டு கேள்விகளுக்குமே சரியான விடை சொல்பவர்களுக்கு மட்டும் வழக்கம் போல ஏதாவதொரு நல்ல மின்-புத்தகம் பரிசாக அனுப்பப்படும். போட்டி சுவாரசியம் கருதி அதுவரை பின்னூட்டங்கள் மட்டறுக்கப்படும்.

சரி, புதருக்குள் போவோம்... ச்சே ச்சே ஸ்பெல்லிங் மிஸ்டேக்ப்பா... புதிருக்குள் போவோம்...

1. சரக்கு சந்தானம் சிறு வயதிலிருந்தே எப்பொழுதும் எடக்கு மடக்காக பேசுவான். அது அவனுடைய சுபாவமாகிவிட்டது. பல ஆண்டுகளுக்குப் பின்பு ஒரு பெரியவர் அவன் வீட்டுக்கு போயிருந்தார். அப்பொழுது ஊரில் அவருக்கு தெரிந்தவர்களைப் பற்றியெல்லாம் விசாரித்தார்.

“நம்ம புருஷோத்தமன்தான் இறந்துவிட்டாரே...! அவரது நான்கு பிள்ளைகளும் நலமாக இருக்கிறார்களா...? இப்பொழுது என்ன செய்துக் கொண்டிருக்கின்றனர்...?” என்று கேட்டார்.

“ஏன் அவர்கள் அனைவருமே பூரண நலத்துடன்தான் குடும்பம் நடத்திக்கொண்டிருக்கிறார்கள்...!” என்றான் சந்தானம்.

“மூத்தவன் என்ன செய்கிறான்...?” – பெருசு

“அவன் ஜவுளி வியாபாரி இல்லையே...” – சரக்கு

“அப்படியென்றால் ஜவுளிக்கடை வைத்திருப்பது இரண்டாவது பிள்ளையா...?” – பெருசு

“இரும்பு வியாபாரி மளிகைக்கடைக்காரனை விட ஒருவயது தான் பெரியவன்...!” – சரக்கு

“அப்படியா...?” – பெருசு

“ஆமாம், கடைசி பிள்ளை புருஷோத்தமனுக்குச் செல்லப்பிள்ளை ஆயிற்றே...! அதனால்தான் அவனை தம்முடன் நகைக்கடையிலேயே வைத்திருந்தார்...” – சரக்கு

சரக்கு சந்தானம் விளக்கிச் சொன்னதிலிருந்து, எந்தப் பிள்ளை எந்த வியாபாரம் பார்க்கிறான் என்று யூகித்துச்சொல்லுங்கள்....?

2. குவாட்டர் கோவிந்தன் சற்று ஓய்வு கிடைத்தாலும் சீட்டாட உட்கார்ந்துவிடுவான். அதற்கேற்றாற்போல அவன் எதிர் வீட்டு, பக்கத்து வீட்டு நண்பர்களான சந்தானம், மூர்த்தி, நெப்போலியன் முதலானோர் அவனுக்குக் கைகொடுக்கத் தயாராக இருப்பார்கள். நான் ஒருநாள் கோவிந்தன் வீட்டுக்கு சென்றிருந்தபோது, பக்கத்து அறையில் ஒரே இரைச்சல். எட்டிப் பார்த்தேன் சீட்டு விளையாடிக்கொண்டிருந்தார்கள்.

அப்பொழுது, கோவிந்தன் சந்தானத்துக்கு எதிரில் இல்லை. நெப்போலியன் மூர்த்தியின் வலப்புறம் இல்லை. மூர்த்தி சந்தானத்துக்கு இடப்புறம் இல்லை.

கோவிந்தனுக்கு இடப்புறம் யார் இருந்தது...? கொஞ்சம் மூளைக்கு வேலை கொடுங்களேன்.

கேரக்டர் உபயம்: “விக்கி உலகம்” வெங்கட்

டிஸ்கி: “அட்ராசக்க” சிபி மீது யாருக்கு என்ன கோபமோ தெரியவில்லை. நேற்று முன்தினம் எழுதிய பதிவு இன்ட்லியில் பாப்புலர் ஆகவில்லை. இன்னும் சில வாக்குகளே தேவைப்படுங்கின்றன. அதையும் கொஞ்சம் கவனிச்சிட்டு போங்க: -

நம்பர் 1 பதிவர் சி.பி.செந்தில்குமாருடன் ஒரு சின்ன பேட்டி