பிரபா ஒயின்ஷாப் – 07022011

வணக்கம் மக்களே...

போன வாரம் ஞாயிற்றுக்கிழமை, அதாவது ஜனவரி 30ம் தேதி சென்னை மெரீனா கடற்கரை காந்தி சிலை அருகே ஒரு சந்திப்பு. தமிழக மீனவர்களுக்கான போராட்டத்தில் நம்முடைய பங்கு என்ன என்பது குறித்தும், போராட்டத்தின் அடுத்தகட்ட திட்டம் குறித்தும் ட்விட்டர் பயனாளர்கள் சார்பாக நடத்தப்பட்ட சந்திப்பு அது. நான் உட்பட சில பதிவர்களும் கலந்துக்கொண்டோம். ஸ்பாட்டிற்கு சென்றபோது அதிர்ச்சியாக இருந்தது. சுற்றிலும் ஒரே போலீஸ் கூட்டம். என்னவென்று விசாரித்துப் பார்த்ததில் அன்றைய தினம் காந்தியின் இறந்தநாளாம். அதற்காக சிலைக்கு பாதுகாப்பு கொடுக்க வந்திருக்கிறார்கள். இறந்துப்போன காந்தியின் சிலைக்கு கொடுக்கும் பாதுகாப்பை கூட, இறந்துக்கொண்டிருக்கும் நம்மின மீனவர்களுக்கு கொடுக்கக்கூடாதா...???

(அந்த சந்திப்பின் முழு விவரங்களை தெரிந்துக்கொள்ள இங்கே க்ளிக்கவும்...)

யுத்தம் செய் படம் பார்த்து மூன்று நாளாகிவிட்டது. இருந்தாலும் இன்னும் அந்த ஹேங் ஓவரில் இருந்து வெளியில் வரமுடியவில்லை. படத்தின் நினைவுகள் இன்னும்கூட சுமையாகவே இருக்கின்றன. இயக்குனரின் முந்தய படம் கூட என்னை இந்த அளவிற்கு கலங்கடிக்கவில்லை. ஒருவேளை தமிழ் சினிமாவில் காலம்காலமாக பார்த்து சலித்த அதே அம்மா செண்டிமன்ட் என்பதாலோ என்னவோ. ஆனால், யுத்தம் செய் பார்த்ததிலிருந்து இப்படியெல்லாம் எங்கேயாவது நடக்குமா என்று அதிர்ச்சியாக இருக்கிறது.

நேற்றிரவு தென்காசியில் இருந்து நண்பன் கால் பண்ணியிருந்தான். ஏதோ சரத்குமார் மக்கள் கட்சி... ச்சே ச்சே... சமுதாய மக்கள் கட்சி.... என்னது...? அதுவும் இல்லையா...? சரி ஓகே... சமத்துவ மக்கள் கட்சி மாநாடாம். தென்காசியே தினறிவிட்டது. வந்த கூட்டத்தை பார்த்து எதிர்கட்சிகள் மிரண்டு போயிருக்கின்றன. எப்படியும் சரத்குமார் இந்தமுறை 5 சீட் ஜெயித்துவிடுவார் என்று ஏதேதோ சொல்லிக்கொண்டிருந்தான். நானும் நண்பனின் பேச்சை உண்மையென்று நம்பிவிட்டேன். அப்புறம்தான் தெரிஞ்சது, பயபுள்ள சமுதாய பாசத்துல சரக்கடிச்சிட்டு பொய் சொல்லியிருக்கான். ஏலே... உங்காளு டெபாஸிட் வாங்குதாரான்னு பாருலே...

வரலாற்றில் இந்த நாள்:

1914ம் ஆண்டு இதே நாளில் (பிப்ரவரி 7) சார்லி சாப்ளினின் இரண்டாவது படம் ரிலீசானது. இரண்டாவது படத்தில் என்ன ஸ்பெஷல் என்று கேட்கிறீர்களா...?

சற்று சின்னதாய் இருக்கும் பந்து வீசுபவரின் தொப்பி, இறுக்கமான மேல் அங்கி, அளவில் பெரிதான பேன்ட், மிகவும் பெரிய ஷூக்கள், கையில் சின்னப் பிரம்பு இப்படியான அம்சங்களைக் கொண்ட “சிறிய நாடோடி” (The Little Tramp) எனப்படும் அவரது புகழ்ப்பெற்ற கதாப்பாத்திரம் அறிமுகமானது இந்தப்படத்தில் இந்த தேதியில் தான்.

ட்வீட் எடு கொண்டாடு:

RajanLeaks

திமுக பொதுக்குழுவில் குசுப்புவின் பக்கத்து சீட்டில் உக்கார நடந்த கைகலப்பில் துரைமுருகன் வெற்றி ஆற்க்காட்டார் அப்போலோவில் அனுமதி!

iamkarki

பொண்ணுங்க‌ள‌ எந்த‌ள‌வுக்கு ல‌வ் ப‌ண்ண‌னும் தெரியுமா...? நாம‌ ல‌வ் ப‌ண்ற‌த‌ பார்த்து அவ‌ ஃப்ரென்ட் ந‌ம்ம‌ள‌ ல‌வ் ப‌ண்ண‌னும் -காவ‌ல‌ன் ஃபேன்ஸ்

VaanathiNadanam

இன்னமும் தண்ணி/தம் அடிக்காத பசங்க தான் வேணும்ன்னு யாராவது/எந்த பேரன்ட்ஸாவது கேட்டுட்டு இருக்காங்களா??? #ஐயோ பாவம்

RajanLeaks

அன்று கோவலன் தண்டிக்கப்பட்டான் - இன்று ராசாவுக்குத் தண்டனை: கி.வீரமணி # அடுத்து கனிமொழிய கண்ணகின்னு சொல்லுவார் பாரு! அதான் ஃபைனல் டச்!

writercsk

"நாங்கெல்லாம் படுத்துக்கிட்டே ஜெயிப்போம்"

"நீங்க என்ன ப்ராஸ்டிட்யூட்டா?"

பதிவுலகில் புதியவர்: எழுத்துக்கடை

நாகர்கோவிலில் பிறந்து ஊரெல்லாம் அலைந்து திரிந்து இப்போது துபாயில் பணியாற்றிக் கொண்டிருக்கிறார். பதிவுலகத்திற்கு வந்து இரண்டு மாதங்களுக்கு மேல் ஆகிவிட்டது. நேற்றுவரை முப்பத்தியாறு பதிவுகளை எழுதியிருக்கிறார். ஆனால் திரட்டி, ஓட்டுப்பட்டை போன்ற அரசியலில் சிக்காததால் நிறைய பேருக்கு அறிமுகமில்லாமல் இருக்கிறார். பயபுள்ளைங்க அப்படின்னுற வார்த்தைக்கு காப்பிரைட்டே வாங்கி வைத்திருக்கிறார். சும்மா சொல்லக்கூடாது, எழுத்துநடை பிரமாதமா இருக்கு. அப்புறம் என்ன சீக்கிரமா போய் ஜோதியில ஐக்கியமாகுங்க...

எனக்குப் பிடித்த பாடல்:

யுத்தம் செய் ஏற்பட்ட பாதிப்பை பற்றி பதிவின் முன்பகுதியில் சொல்லியிருந்தேன். அந்த பாதிப்பில் இருந்து அவ்வப்போது என்னை மீட்டெடுத்ததும் அதே திரைப்படத்தின் “கன்னித்தீவு பொண்ணா...” என்ற பாடல்தான். இடிச்சா உசுரு போகும் தண்ணி லாரி நீ... அடிச்சா போதை வரும் பாண்டிச்சேரி நீ... அடடே என்னே இலக்கிய வரிகள். அதைவிட அருமை, தமிழகத்து ஷகிரா நீத்து சந்திரா. அவரைப்பற்றி தனிப்பதிவே எழுதலாம். திரையரங்கில் பார்த்தபோது பாடலின் நடுநடுவே படத்தின் திருப்புமுனையான காட்சிகள் சில வந்துபோயின. ஆனால், டிவி ஒளிப்பரப்பில் நாசூக்காக அந்தக்காட்சிகளுக்கு பதிலாக வேறு காட்சிகளை சொருகியிருக்கிறார்கள். புத்திசாலித்தனம்.

இந்த வாரப் புகைப்படம்:

மின்கம்பத்தின் மீது அமர்ந்திருக்கும் காக்கைகள்... கேரளாவில் எடுக்கப்பட்ட புகைப்படம், மெயிலில் கிடைத்தது...

இந்த வார காணொளி:

பிப்ரவரி 14 காதலர் தினம் மட்டும்தானா...? வேறென்ன... மேலும் விவரங்களுக்கு:

இந்த வார தத்துவம்:

“NEVER SAY ANYTHING BAD ABOUT YOURSELF…

YOU HAVE ENOUGH PEOPLE AROUND YOU TO SPEAK ON THAT SUBJECT…!!!”

என்றும் அன்புடன்,

N.R.PRABHAKARAN