பிரபா ஒயின்ஷாப் – 17102011

அன்புள்ள வலைப்பூவிற்கு,

எலக்குசன் அன்னைக்கும் திறக்கப்படும் ஒரே ஒயின்ஷாப் – உங்கள் பிரபா ஒயின்ஷாப் #மச்சி ஒப்பன் த பாட்டில்

பூனம் பாண்டே – உலக கோப்பை கிரிக்கெட் ஆரம்பிப்பதற்கு முன்பு இவரை யாருக்கும் தெரிந்திருக்க வாய்ப்பில்லை. ஒரே ஒரு அறிக்கையில் பப்ளிசிட்டி பப்பாளிப்பழங்களை பறித்துக்கொண்டார். கொஞ்சம் பரபரப்புகள் ஓய்ந்த நிலையில் தனது அரை நிர்வாண போட்டோக்களை வெளியிட்டு கொஞ்சம் வெறியேற்றினார். இப்போது குளிப்பது எப்படி என்று கிட்டத்தட்ட strip tease ஸ்டைலில் டெமோ காட்டியிருக்கிறார். இவையெல்லாம் வெறும் விளம்பரத்திற்கும் பணத்திற்கும் தான் என்றாலும், வீடியோவை பார்க்கும்போது அம்மணிக்கு Exhibitionism வகையறா மனநோய் இருக்குமோ என்று எண்ணத்தோன்றுகிறது. பூனம் நீங்கள் நல்லதொரு மனநோய் மருத்துவரை சந்திப்பது நலம். (உடையணிந்துக்கொண்டு...!!!)

என்னுடைய உயரதிகாரி ஒருவர் நானெல்லாம் ஓட்டு போட மாட்டேன்ப்பா என்று ஃபேஷனாக சொல்லிக்கொண்டார். எனக்கு கோபம் பொத்துக்கொண்டு வந்தது. பதிலுக்கு ஏதாவது சொன்னால் அப்ரைசல் ஆப்பு-ரைசல் ஆகிவிடக்கூடும் என்பதால் நமுட்டுச்சிரிப்பு ஒன்றினை உதிர்த்து வைத்தேன். இந்தமாதிரி “ட்”டன்னா போடமாட்டேன் என்று சொல்பவர்கள் வாழ்க்கையில் “த்”தன்னாவே போடமுடியாதபடி தண்டனை கொடுத்தால்தான் திருந்துவார்கள். படித்த முட்டாள்கள்.

வழக்கமாக எலக்குசன் கொள்ளியில் எந்தக்கொள்ளியை தேர்ந்தெடுப்பது என்று தடுமாறுவதுண்டு. இந்தமுறை சென்னை மேயர் வேட்பாளர் சைதை.துரைசாமி என்று அறிவித்ததுமே என்னுடைய ஓட்டு அவருக்குத்தான் என்று முடிவு செய்துவிட்டேன். நல்லவேளை அவர் சட்டமன்ற தேர்தலில் தோற்றதாக அறிவித்தார்கள் என்று எண்ணிக்கொண்டேன். கவுன்சிலர் ஓட்டு யாருக்கு என்று சற்றே சிந்தித்தால் தி.மு.க சார்பாக யார் நிற்கிறார்கள் என்பதே குழப்படியாக இருக்கிறது. கேப்டன் மீதுக்கொண்ட நம்பிக்கையும் முந்தாநாள் இரவு போதையாக இறங்கிவிட அநேகமாக என் ஓட்டு அ.தி.மு.கவுக்குத்தான் என்று நினைக்கிறேன். நீங்கள் இதைப் படித்துக்கொண்டிருக்கும்போது என் ஆள்காட்டி விரலில் மை வைத்திருப்பார்கள்.

ஒருகாலத்தில் தீபாவளி என்றால் இருபது நாட்களுக்கு முன்னாடியிருந்தே பட்டாசு வெடிக்க ஆரம்பித்துவிடுவோம். இப்பொழுதெல்லாம் பட்டாசு வெடிக்கும் ஆசையே நமுத்துப் போய்விட்டது. அதிலும் சம்பாதிக்க ஆரம்பித்தபிறகு வரும் முதல் தீபாவளி. காசை கரியாக்காதே என்று அநேகமாக எல்லோருடைய பெற்றோர்களும் உதிர்க்கும் வார்த்தைகளின் வலி இப்போதுதான் புரிகிறது. #ஒருவேளை எனக்கு வயசாயிடுச்சோ.

சிப்ஸ்:

“பயம்ன்னா எனக்கு என்னன்னே தெரியாது... என் பேரு பிரபாகர்...” அவ்வ்வ்வ் பிரபாகர்ன்னு பேர் வச்சிருக்குற எனக்கே பயமா இருக்கே. நீங்கள்லாம் எப்படிங்க பயப்படாம பாக்குறீங்க. 

மனசாட்சியை தொட்டு சொல்லுங்க. இனிமே யாராவது ஹனிமூனுக்கு மூணார் போவீங்க...???

கட்டைப்பை தூக்கிக்கொண்டு மனைவிக்கு பின்னால் பயந்தபடியே நடந்துசெல்லும் கணவர்களுக்கு இனிய தீபாவளி வாழ்த்துக்கள் # செத்தான்டா சேகர்

ஜொள்ளு:

டார்ஜீலிங் கூட பிடிக்கலை... டார்லிங் உன்னை பிடிக்குது...

ட்வீட் எடு கொண்டாடு:

Kaniyen கனியன்

சனிக்கிழமை நாம் எல்லோரும் மீன் ஆகிவிடுகிறோம், தண்ணி இல்லாட்டி உயிரே போய்விடுகிறது !

CycleKaaran

ஓட்டுனர் உரிமம் அப்ளை பண்றதுக்கு ரெண்டு போட்டோ ப்ருஃப் வேணும்,முக்கியமா ஒன்னுல நம்மஃபோட்டோவும் இன்னொன்ல காந்திஃபோட்டோவும் இருக்கனும்

kolaaru

படத்தில் ஜோடி சேர நித்யாமேனனை அணுகிய Dr.சீனிவாசன் #வாயே இல்லாம வடை பாயாசத்துக்கு ஆசபடுறது ரொம்ப ஓவரு பவர்ஸ்டார்

Balu_SV

கருணாநிதி 'சிங்காரசென்னை'என்றழைத்தார்,ஜெயலலிதா 'எழில்மிகுசென்னை' என்கிறார்.சென்னையின் பெயரில் மட்டுமே,சிங்காரமும் எழிலும் சேர்க்கப்படுகிறது

அறிமுகப்பதிவர்: கதம்ப மாலை

ஏற்கனவே சிலருக்கு அறிமுகமாகி இருக்கலாம். நான் கொஞ்சம் அல்ல ரொம்பவே லேட்தான். ஒரு முருங்கைக்காய் சமாச்சார தலைப்பால் ஈர்க்கப்பட்டு உள்ளே நுழைந்தேன். ஜெயலலிதா, வைகோ என்று நிறைய சூடான அரசியல் இடுகைகளும் கிடைத்தன. பாலியல் தொழிலாளிகள் பற்றிய இவரது பர்சப்ஷேனை பாருங்கள். புட்டபர்த்தி பற்றிய இடுகையை தவறவிடாதீர்கள். அந்த மாதிரியான விஷயங்களைப் பற்றிகூட எழுதியிருக்கிறார். மிகைப்படுத்தி சொல்கிறேன் என்று நினைக்க வேண்டாம். இவர் எழுதியுள்ள ஒவ்வொரு இடுகையுமே கிளாஸ் தான்.

கேட்ட பாடல்:

ஏற்கனவே இந்தப்பாடலை பற்றி ஆங்காங்கே சிலாகித்திருப்பேன் என்று நினைக்கிறேன். தப்பித்தவறி ஒருமுறை கேட்டுவிட்டால் தொடர்ந்து குறைந்தது பத்து முறையாவது கேட்கத் தோன்றுகிறது. கேட்கவே இப்படியென்றால் பார்த்தால்...

கொசுறு:

மேலே பார்த்த பாடல் காஜல் செல்லத்தை நினைவுப்படுத்தி தொலைத்ததால் காஜல் விசிறிகளுக்காக லக்ஸ் பாப்பா விளம்பரம்...

பார்த்த வீடியோ:

புலியை முரத்தால் (‘ர’ அல்லது ‘ற’ #குழப்பம்) அடித்து விரட்டிய தமிழச்சியை பற்றி கேள்விப்பட்டிருப்பீர்கள். இங்கே சிறுத்தைகளோடு கபடி விளையாடும் இங்கிலீஷ்காரியை பாருங்க. ஒருவேளை கலைஞரின் பெண்சிங்கம் இவங்கதானோ...

ரசித்த புகைப்படம்:

சின்ன வயதில் தூரத்தில் இருக்கும் தாஜ் மகாலை உள்ளங்கையில் தாங்கிப்பிடிப்பது போல போட்டோ எடுத்த ஞாபகம். ஆனால் இந்தளவிற்கு பெர்பெக்டாக எடுத்திருப்பது புகைப்படக்கலைஞரின் சாமர்த்தியம்.

போதொபதேசம்:

பீடியால் சுட்டபுண் உள்ளாறும் ஆறாதே

லேடியால் சுட்ட வடு

தத்துவம்:

தைரியம் என்பது பயத்தை வெளிக்காட்டாமல் இருப்பதே...!

என்றும் அன்புடன்,

N.R.PRABHAKARAN