IndiBlogger சந்திப்பில் நடந்தது என்ன...?

அன்புள்ள வலைப்பூவிற்கு,

தொடர்புடைய சுட்டிகள்:

நாம் ஏன் தமிழ் ப்ளாகர்களுக்கு உதவக்கூடாது?

உதவுபவர்களை இனி செருப்பால் அடிப்போம்!

கடந்த ஞாயிறன்று IndiBlogger நடத்திய பதிவர் சந்திப்பிற்கு வருகை தராதவர்கள் மேலே குறிப்பிட்டுள்ள இரண்டு இடுகைகளுள் எதைப் படித்தாலும் இதுவும் சரிதானே என்று தோன்றக்கூடும். அதில் தவறில்லை, அது மனித இயல்பு மற்றும் எழுதியவர்களின் எழுத்தாற்றலை சார்ந்தது.

பக்கத்தில் இருந்து பார்த்தவன் என்ற முறையில் நானும் கொஞ்சம் எனது உதிரிக்கருத்துக்களை உதிர்க்கிறேன்.

இந்த போர்டுதான் பிரச்சனையின் காரணி

இந்த போர்டை பார்த்த நொடியில் ஒவ்வொருவருக்கும் ஒவ்வொரு எண்ணம் தோன்றலாம். (கேபிள் மொழியில் பர்செப்ஷன்). அந்தமாதிரி இதைப் பார்த்ததும் கேபிளுக்கு தமிழ் பதிவர்களை இழிவுபடுத்துவதாக தோன்றியிருக்கிறது. அவர் சம்பந்தப்பட்ட நபருடன் வாக்குவாதம் செய்ய, அவர் நாங்கள் அந்தமாதிரி அர்த்தத்தில் போர்டு வைக்கவில்லை என்று மன்னிப்பு கேட்டார். அத்தோடு அந்த பிரச்னையை முடித்திருக்கலாம்.

முடித்தார்களா நம்மவர்கள்...? ஆளுக்கொரு பதிவெழுதி, ஆங்கே கொஞ்சம் தனிநபர் மீதுள்ள வன்மத்தையும் வெளிப்படுத்தி, யார் பதிவர்களின் Authority என்பது வரை கொண்டு சென்றிருக்கிறார்கள்.

ஆரம்பத்தில் கேபிள் கிண்டலடிக்கிறாரா அல்லது சீரியஸாக கோபப்படுகிறாரா என்று நிறைய பேருக்கு தெரியாமல்தான் இருந்தது, அந்த போர்டை தூக்கி வந்தவர் உட்பட. போகப்போக கேபிள் சீரியஸாக, இன்னும் சில பதிவர்களும் குரல் கொடுக்க, போர்டை தூக்கி வந்தவர் மன்னிப்பு கேட்டார். அவருக்கும் வேறு வழியில்லை.

இதே கோபம் கவர்ச்சிகரமான தேநீர்ச்சட்டை ஓசியில் வேண்டுமா...? என்று லக்கி பதிவெழுதிய போது வராதது ஆச்சர்யம்தான். ஏன் அந்த பதிவுக்கு indiblogger பதிவர் சந்திப்பில் கலந்துக்கொள்ள வேண்டுமா என்று தலைப்பு வைத்திருக்கக்கூடாது. தமிழர்களெல்லாம் தேநீர்ச்சட்டைக்கு அலைந்தவர்களா...?

கேபிளுக்கு கோபம் வந்தது, அவர் கேட்டார். கோபம் வராதவர்கள் பேசாமல் இருந்திருக்கலாமே. கேபிள் தமிழ் வலைப்பதிவர்களுக்கு அத்தாரிட்டி போல செயல்படுகிறார் என்று குற்றம் கூறுபவர்கள் நான் அத்தாரிட்டியாக இருக்கிறேன் என்று முன்வரலாமே. 

சில வரிகளை படித்தால் வேடிக்கையாக இருக்கிறது.

// indiblogger.in என்பது இந்திய வலைப்பதிவர்களை ஒரு குடையின் கீழ் திரட்டும் ஒரு அமைப்பு. bloggingஐ passion ஆக கொண்ட வலைப்பதிவர்கள் சிலர், லாபநோக்கமின்றி தொடங்கிய இணைய அமைப்பு. //

லாபநோக்கமின்றி செயல்படுபவன் எப்படி ஐந்து நட்சத்திர ஹோட்டலில் விழா நடத்த முடியும்.

நமக்கு indiblogger தேவையா...? அல்லது நாம் indibloggerக்கு தேவையா...? என்றால் இரண்டுமே இல்லை என்றுதான் சொல்ல வேண்டும். நம்மை பொறுத்தவரையில் indiblogger பத்தோடு பதினொன்று அவ்வளவுதான். indibloggerக்கு நாமும் அப்படித்தான்.

How can we help you...?

May i help you...?

இந்த இரண்டு வாக்கியங்களுக்கும் வித்தியாசம் உள்ளது என்று சொல்பவர்களின் வாதம் ஏற்றுக்கொள்ளக்கூடியதே. ஆனால், அதற்குத்தான் போர்டை தாங்கி வந்தவர் மன்னிப்பு கேட்டுவிட்டாரே அப்புறமென்ன. 

இந்த போர்டில் உள்ள “உதவி” – “டெக்னிக்கல் உதவி” என்று சிலர் குறிப்பிடுகிறார்கள். அது கேபிள் கோபப்பட்டு கேட்டதும் போர்டை தூக்கி வந்தவர் கட்டிய சப்பைக்கட்டு என்பது அருகிலிருந்து பார்த்தவர்களுக்கு தெரிந்திருக்கும். அல்லது இன்னொரு மூலையில் டெக்னிக்கல் உதவிக்கான Lounge அமைக்கப்பட்டிருந்தது என்பதை அவர்கள் மறந்திருக்கக்கூடும்.

இல்லை போர்டில் உதவி என்று குறிப்பிட்டிருப்பது “பணம் சம்பாதிப்பது எப்படி...?” என்ற உதவி என்று சொன்னால், அதற்கு ஆங்கிலத்தில் வேறு வாக்கியங்கள் உள்ளன. அதில் தமிழ் பதிவர்கள், ஆங்கிலப்பதிவர்கள் என்ற பாகுபாடும் அவசியமற்றது.

தங்களுடைய தளத்தை தமிழிலும் தருவதற்கு தமிழ் பதிவர்களிடம் உதவி கேட்பதாக போர்டை தூக்கி வந்தவர் மறுபடியும் சப்பைக்கட்டு கட்டினார். பின்னூட்டத்தில் தன்னை அந்த பதிவர் சந்திப்பின் ஹோஸ்ட் என்று அறிமுகப்படுத்திக்கொண்ட Anoop Johnson கூட இதையே தான் சொன்னார். ஆனால் போர்டு வாசகம் அதைத்தான் சொல்கிறதா...? அல்லது அவர்களுக்கு ஆங்கிலம் தெரியவில்லையா...?

தமிழ், தமிழ் என்று பொங்குபவர்களுக்கு பின்னூட்டத்தில் சிவகாசி மாப்பிள்ளை சொன்னது...

உங்க ப்ளாக்கே cablesankar.blogspot.com என்று போட்டாத்தான் ஓப்பன் ஆகுது,,,

முதல்ல கேபிள்சங்கர்.பிளாக்ஸ்பாட்.காம் என்று போட்டா ஓப்பன் ஆகனும்னு தீக்குளிங்க தல...

இந்த பதிவை வைத்துக்கொண்டு நான் கேபிள் ஆள், ஜாக்கி ஆள், லக்கி ஆள் என்று வகைப்படுத்த வேண்டாம். நான் நானாகவே இருக்க ஆசைப்படுகிறேன்.

என்றும் அன்புடன்,

N.R.PRABHAKARAN