பிரபா ஒயின்ஷாப் – 27022012

அன்புள்ள வலைப்பூவிற்கு,

2012 பாக்யராஜ்

பழைய பாக்யராஜ் படங்கள் மீது எனக்கு ஏதோ ஒரு ஈர்ப்பு. தற்காலத்தில் பிரகாஷ் ராஜ் தயாரித்து வெளியிடும் படங்களைப் போலவே மெளனமாய் மனதிற்குள் ஒரு தாக்கத்தை ஏற்படுத்தக்கூடியவை. குறிப்பாக தாவணிக் கனவுகள், தூறல் நின்னு போச்சு போன்ற படங்கள் எனக்கு மிகவும் பிடித்த படங்கள். இன்று போய் நாளை வா படத்தை இப்போது தொலைக்காட்சியில் ஒளிபரப்பினால் கூட குடும்பத்தோடு பார்ப்போம். சுவரில்லாத சித்திரங்கள் படத்தின் ஒரு பின்னணி இசை என்னை பல மாதங்களுக்கு படுத்தி எடுத்தது. அந்த வரிசையில் கடந்த வாரத்தில் ஒருநாள், டார்லிங்... டார்லிங்... டார்லிங்... படத்தை பார்க்க நேர்ந்தது. ஒரு தலைக்காதலின் சுகமான சுமையை மிகச்சரியாக சொன்ன ஒருசில படங்களுள் அதுவும் ஒன்று எனச் சொல்லலாம். க்ளைமாக்ஸில் பாக்யராஜும் பூர்ணிமாவும் இணைகிறார்கள் என்பதைக் காட்டிலும் படம்நெடுக காட்டிய ஒருதலைக்காதல் உணர்வுகள்தான் அதன் வெற்றி.

ஒரு சின்ன நெருடல், கடைசி சில நிமிடங்களில் சுமனின் தந்தை சுமனிடம் சொல்கிறார், “நானும் உங்கம்மாவும் கிட்டத்தட்ட 40 yearsக்கு மேல தாம்பத்தியம் நடத்தியிருக்கோம். ஆனா எங்க பெட்ரூம்ல ஒருநாள் கூட லைட் எரிஞ்சதில்லை. அந்த அளவுக்கு செக்ஸுக்கு ஒரு புனிதமான மரியாதை கொடுத்தோம்”. எனக்கு புரியல – லைட் ஆஃப் பண்றதுக்கும், புனிதமான மரியாதைக்கும் என்ன தொடர்பு. அப்ப, லைட் போட்டுட்டு பண்றவங்க எல்லாம் ஒழுக்கம் கெட்டவர்களா...??? Come On Speak...! நம்ம செக்ஸ் வறட்சி மிகுந்த நாட்டில் வாழ்ந்துக்கொண்டிருக்கிறோம் என்பதற்கு இது ஒரு சாம்பிள்.

வரலாறு மிக முக்கியம் அமைச்சரே...!

பள்ளிப்பருவத்தில் எனக்கு சுத்தமாக பிடிக்காத பாடம் சமூக அறிவியல்தான். ஏன்தான் இப்படி ஒரு சப்ஜெக்ட் என்று அலுத்துக்கொள்வேன். அதற்கு தகுந்தாற்போல, எனக்கு சமூக அறிவியல் வகுப்பெடுத்த ஒருவர் கூட உருப்படி கிடையாது. யாராவது ஒரு மாணவனை எழுப்பி ஒவ்வொரு பத்தியாக படிக்கச்சொல்லி அதை தமிழில் மொழிபெயர்த்து சொல்வதே அவர்களின் தலையாய கடமையாக இருந்தது. தேர்வுகளின்போது சமூக அறிவியலை குறைந்தபட்சம் மனப்பாடம் கூட செய்யாமல் அப்போது வந்த புதிய படத்தின் கதையையோ அல்லது வரலாற்று பகடியாகவோ எழுதி வைப்பேன். முட்டாள் ஆசிரியர்கள் கையெழுத்தை மட்டும் பார்த்து மதிப்பெண்கள் போட்டு விடுவார்கள். இதையெல்லாம் இப்பொழுது நினைக்கும்போது நான் எவ்வளவு முட்டாளாக இருந்திருக்கிறேன் என்று வருந்தத்தோன்றுகிறது. இந்த ப்ளாஷ்பேக்கின் காரணி, நேற்று மதனுடைய வந்தார்கள் வென்றார்கள் படிக்க ஆரம்பித்தேன். மீண்டும் பள்ளிக்கூட மாணவனாக மாறி வரலாறு படிக்க ஆசையாக இருக்கிறது.

சிங்கார சென்னை

நீண்ட நாட்களுக்குப் பிறகு பெசன்ட் நகர் பீச்சுக்கு சென்றிருந்தேன். பல வருடங்களுக்கு பிறகு என்றுதான் சொல்ல வேண்டும். ஒரு காலத்தில் வெறும் டப்பாத்தண்ணிக்கும், கள்ளக்காதலுக்கும் மட்டுமே இடமாக இருந்த எலியட்ஸ் பீச். இப்போது திருவிழாக்கோலம் பூண்டிருக்கிறது. அப்பளம், பஜ்ஜி, சோளம், வேர்க்கடலை, குல்பி என ஒரு ரவுண்டு கட்டிவிட்டு, வகைதொகை இல்லாமல் சைட்டு அடித்துவிட்டு மனமகிழ்வோடு திரும்பினோம்.

லிட்டில் ராஸ்கல்ஸ்

தமிழில் குழந்தைகளுக்கான படங்கள் மிகவும் அரிதானவை. குழந்தைகள் படம் என்று சொல்லிக்கொண்டு வரும் சில படங்களில் கூட பக்கவாட்டில் ஹீரோ – ஹீரோயின் டூயட் பாடுவார்கள். சமீபத்தில் தமிழில் வெளியான குழந்தைகள் படமான வண்ணத்துப்பூச்சி கூட முற்றிலுமாக புறக்கணிக்கப்பட்டுவிட்டது. கொஞ்சம் காம்ப்ரமைஸ் செய்துக்கொண்டால் பசங்க திரைப்படத்தை குழந்தைகள் படமென்று சொல்லலாம். ஆனால் மேலைநாடுகளில் இதுபோன்ற படங்களுக்கு பஞ்சமில்லை. அந்த வரிசையில் கடந்த வாரம் நண்பர் ஒருவரின் சிபாரிசின் பெயரில் The Little Rascals படம் பார்த்தேன். யாராவது உங்களை திட்டினாலோ, ஒருமையில் அழைத்தாலோ உங்களுக்கு கோபம் வரும். அதையே குழந்தை செய்தால் என்ன அழகா பேசுறான் பாருன்னு அள்ளியெடுத்து அணைத்துக்கொள்வோம். அதுதான் இந்தப்படத்தின் உயிர்நாடி. குழந்தைகள் செய்யும் ஒவ்வொரு சேட்டையும் செம க்யூட்.

ஜொள்ளு:

தூங்காம நான் காணும் சொப்பனமே...! உனக்காக என் மேனி அர்ப்பணமே...!!

ட்வீட் எடு கொண்டாடு:

கார்பன்கரடி ‏ @CarbonKaradi

உலகின் அழகான ஒருவரை கட்டி தழுவ முற்படும் போதெல்லாம்... கண்ணாடியில் முட்டிக் கொள்கிறேன்! :)

Altu ‏ @covaialtu

மின்வெட்டைக் கண்டித்து இருவர் தீக்குளிப்பு: திரு. தீக்குச்சி சம்பவ இடத்திலேயே மரணம். திரு. மெழுகுவர்த்தியின் உயிர் ஊசல்.

நாயோன் ‏ @writernaayon

யாருமில்லாத தனிமையிலும் கூட சுகம் பெருவதற்கு ஒரு வழியை உருவாக்கியது கடவுள்தான் என்கிறான் நண்பன் #கடவுள் மட்டும் இத கேட்டா செத்துருவார்.

SHAN - கூத்தாடி ‏ @Koothaadi

இது வரை யாரையும் காதலிக்காதவர்கள் பொய் சொல்கிறார்கள் என்றூ அர்த்தம்

எங்கேயும் எப்போதும்

சுஜாதா, ஹாய் மதன், பாலகுமாரன், பாக்யராஜ், அரசு, அந்துமணி, குருவியார், ஆந்தையார், கழுகார் இன்னபிற ஆர்கள் வரிசையில் நம்ம சிபியாரும் இணைந்திருக்கிறார். சிபியுடைய லொள்ளு கம் ஜொள்ளு கேள்வி பதில்கள் செக்ஷன் தான் இந்த வலைப்பூவின் ஸ்பெஷாலிடி. இதுவரை மூன்று பாகங்கள் வெளிவந்திருக்கின்றன. நாளை புத்தகமாக உங்கள் மடியில் தவழும் அபாயமும் இருக்கிறது.

சில சாம்பிள்கள்...

பிகர், கில்மா என்ற வார்த்தைகள் தான் உங்களுக்கு அதிகம் பிடித்த வார்த்தைகளா?

கூகுள் சர்ச்ல மக்களால அதிகம் தேடப்படும் வார்த்தைகள் என்ன-னு ஒரு கணக்கெடுத்தேன். அதுல நாகரீகமான வார்த்தைகள் இந்த ரெண்டும் தான்.. இந்த வார்த்தைகளை என் பிளாக்ல ட்வீட்ஸ்ல அதிகம் பயன் படுத்தறப்போ கூகுள் சர்ச்ல என் பிளாக் தட்டுப்படும், அது ஒரு மார்க்கெட்டிங்க் டெக்னிக் வேற ஒண்ணும் இல்லை.

பதிவுகள் வெளியிட்டுருக்கிறீர்கள் தெரியும் ? எத்தனை புத்தகங்கள் எழுதியிருக்கிறீர்கள்?

ஒரு புக் கூட எழுதலை.. யாராவது பதிப்பகத்தார் ரெடியா இருந்தா மீ ஆல்சோ ரெடி; ஜோக்ஸ் புக், சினிமா விமர்சனம் புக், என்னை கேவலப்படுத்திய ஃபிகர்கள் பாகம் 1 டூ 10 , கவிதை புக் , தமிழ் சினிமாவின் ட்ரெண்ட் செட்டர் படங்கள் , 2011-ன் டாப் டென் படங்கள், என ஒரு பெரிய லிஸ்ட்டே இருக்கு, நல்ல மனசும் புரிதலும் உள்ள பதிப்பகத்தார் கிடைச்சா நான் ரெடி..

சமீபத்துல பரபரப்பா பேசப்படுற பதிவுலக கோஷ்டிபிளவை பற்றி உங்கள் கருத்து என்ன.? பதிவர்கள் இரண்டு குருப்பா பிரிஞ்சு இருக்கறது உண்மையா.?
அய்யய்யோ, மறுபடியும் முதல்ல இருந்தா? இது பற்றி ஒரு போஸ்ட் போட்டுத்தான் 786 பேர் என்னை தெளீய வெச்சு வெச்சு அடிச்சாங்க.. மறுபடியும் வம்பா? அதனால நான் என்ன சொல்றேன்னா  கோஷ்டியா? அப்டின்னா என்ன? எல்லாரும் நெம்ப நெம்ப ஒற்றுமைங்கோவ்!!

ஒவ்வொருத்தருக்கும் ஒவ்வொரு ஃபீலிங்...!

சின்ன வயதில் இருந்தே பெரிய இழப்புகள், வலிகள் எதுவுமில்லாமல் சுகமாகவே வாழ்ந்து பழக்கப்பட்டவன் நான். அதனால் சில வலிகள் புரிவதில்லை. சமீபத்தில் நண்பன் ஒருவன் முப்பொழுதும் உன் கற்பனைகள் படத்தின் கண்கள் நீயே பாடலை பற்றி ஃபீலிங்காக பேசினான். நான் வழக்கம் போல யப்பா நாங்க பார்க்காத அம்மா சென்டிமென்ட்டா என்று நக்கலடித்து விட்டு வந்தேன்.

வீடு திரும்பியதும் அந்த பாடலை நண்பனோடு பொருத்தி மறுமுறை கேட்டேன், உருகினேன். நீங்களும் கேளுங்க, முடிஞ்சா வீடியோ இல்லாம, கண்களை மூடியபடி...!

பதிவர் புதிர் – 02

பதிவர் புதிர் ??? by Nr Prabhakaran

இந்த ஒலிப்பதிவில் கர்ஜிக்கும் ஒலக லெவல் பதிவர் யாரென்று கண்டுபிடிங்க பார்ப்போம்...!

என்றும் அன்புடன்,

N.R.PRABHAKARAN