ஜப்பானில் ஒரு ரஜினிகாந்த்...!!!

நேற்றைய பிரபா ஒயின்ஷாப்பில் இந்த வார காணொளியாக இதை இணைக்கலாம் என்றிருந்தேன். ஆனால், இது நான் ரொம்ப ரொம்ப ரசித்த ஒரு காணொளி. பிரபா ஒயின்ஷாப்பில் இணைத்தால் பலர் பார்க்காமல் போய்விட வாய்ப்பிருக்கிறது என்பதால் தனி இடுகையாக பகிர்கிறேன்.

பொதுவாக ரியாலிட்டி ஷோக்களில் குறிப்பாக “கலக்கப்போவது யாரு...?”, “அசத்தப்போவது யாரு...?” வகையறா நகைச்சுவை நிகழ்ச்சிகளில் பிரபல நடிகர்களைப் போல மிமிக்ரி செய்து அசத்துவார்கள் அல்லது கலக்குவார்கள். அதுபோல, ஜப்பானில் நடந்த ஒரு ரியாலிட்டி ஷோவில் கலந்துக்கொண்டவர் சூப்பர்ஸ்டார் மாதிரி மிமிக்ரி என்று சொல்ல முடியாது... எனினும் சூப்பர் ஸ்டாரை இமிடேட் பண்ண முயன்றிருக்கிறார்.

என்னடா பாட்டு ஒரு மாதிரி இருக்கு. சூப்பரை நக்கலடிக்கிறாங்களோ... என்று நினைக்க வேண்டாம். ஜப்பானிய மொழியே அப்படித்தான். ஒருவன் ஒருவன் முதலாளின்னு பாடினா கூட கெட்டவார்த்தைல திட்டுறா மாதிரி இருக்கும்.

சும்மா சொல்லக்கூடாது... குருப் டான்சர்ஸ் கூட நம்மூர் ஸ்டைலில் வேட்டி – சேலையெல்லாம் கட்டி நல்லா ட்ரை பண்ணியிருக்காங்க...

ஆனா, கடைசில சூப்பர்ஸ்டார் தோத்துப்போயிட்டாரு... என்ன செய்யிறது..? ஆயிரம்தான் இருந்தாலும் டூப்ளிகேட் ரஜினி தானே...