பிரபா ஒயின்ஷாப் – 19092011

அன்புள்ள வலைப்பூவிற்கு,

இந்த வாரத்தின் உடான்ஸ் பதிவர் வாய்ப்பு கிடைத்திருப்பதால் தினம் ஒரு இடுகை வரும். உங்க விதியை யாரால மாத்த முடியும். முதல் உடான்ஸ் பதிவரானது மகிழ்ச்சியே. இந்த வாய்ப்பு “வருங்கால கேபிளார்” என்றழைக்கப்படும் ஒரு பதிவருக்கு கிடைத்து அவர் எனக்காக விட்டுக்கொடுத்திருக்கிறார். அந்த வருங்கால கேபிள் யாருன்னு கண்டுபிடிங்க பார்ப்போம்.

டெல்லியில் வெடிகுண்டு வெடித்தும் சென்னையில் முக்கிய இடங்களில் வெடிகுண்டு சோதனை நடந்திருக்கிறது. இரண்டு நாட்கள் கழித்து சென்னை ஸ்பென்சர் பிளாசாவில் குண்டுவெடிப்பு நடந்தால் எப்படி மீட்பது என்று ஒத்திகை பார்த்திருக்கிறார்கள். இதெல்லாம் சில நாட்களுக்குத்தான் அதன்பிறகு நடந்த சம்பவத்தை எல்லாம் அடியோடு மறந்துவிடுகின்றனர் திரும்பவும் அடுத்த வெடிகுண்டு வெடிக்கும்வரை.

இணையத்தை கடந்து கொஞ்சம் வெளியுலகத்தை பார்த்தால் இந்த சாம் ஆண்டர்சன், வில்பர் சற்குனராஜ், பவர் ஸ்டார் இவர்களை எல்லாம் நிறைய பேருக்கு தெரிவதில்லை. மங்காத்தா படம் பார்த்துவிட்டு சாம் ஆண்டர்சன்னு வசனம் வருதே யாரவர்ன்னு கேட்டார். நான் அப்படியே ஷாக் ஆயிட்டேன்.

கூகுள் கூட்டல் சேவை ஆரம்பித்தபோது நமக்கொரு இன்விட்டேஷன் கிடைக்காதா என்று அல்லோலப்பட்டேன். ஒரு வழியாக இரண்டு நாட்களுக்குப்பிறகு இன்விட்டேஷன் கிடைத்தது. என்னைப் போலவே பலரும் அடித்துபிடித்து டவுன் பஸ்சில் துண்டு போடும் வேகத்தில் இணைந்தார்கள். ஆனால் இப்போது யாரும் கூகுள் கூட்டலை சட்டை செய்வதாக தெரியவில்லை. ஃபேஸ்புக்கும், டிவிட்டரும் எப்போதும் போலவே இயங்கிக்கொண்டிருக்கின்றன. கூகுள் பஸ்ஸில் இருந்தவர்கள் பஸ்ஸையே ஓட்டிக்கொண்டிருக்கிறார்கள். கூகுள் கூட்டலும் ஃபெயிலியர் தான் போல.

ஜொள்ளு 1:

நீ ஆனந்தி... நான் பிரபாகர்... (நெஜமாதான் சொல்றியா...?)

ஜொள்ளு 2:

விஜய் - ஏ.ஆர்.முருகதாஸ் இணையும் படத்தின் நாயகி

ட்வீட் எடு கொண்டாடு:

SeSenthilkumar

2016-ல் ம.தி.மு.க. ஆட்சி - வைகோ #அடுத்த ஜோக்கை சொல்ல பா.ம.க.விலிருந்து ஒருவர் மேடைக்கு வரவும்!

pinjimanasu

எத்தனை தான் அடக்கினாலும் வெளிப்பட்டுவிடுகிறது, உன் மீதுள்ள காதல்…பச்சிளம் குழந்தையின் சிறுநீர் போல…#காதல்

writerpayon

உலகை பற்றிய குறுகிய பார்வையே பெண்ணின் தாழ்விற்கு காரணம் என்றார் வி.எஸ்.நைபால். இதை நான் சொன்னால் ஆணாதிக்கம், அவர் சொன்னால் வி.எஸ்.நைபால்.

Nila_Here

அணு உலைகளால் எந்த ஆபத்துமில்லை என்றால் ராஜ் பவன், போயஸ் கார்டன் போன்ற இடங்களின் அருகே கூட அமைக்கலாமே

athisha

அரசு பணத்தில் அம்மா அம்மா என்று கத்துகிற ஆடு மாடுகளை இலவசமாக வழங்கும் ஜெவின் தந்திரத்தை கலைஞர் கருணாநிதி கண்டித்தே ஆக வேண்டும்.

அறிமுகப்பதிவர்: kamakshe

சீனியர் பதிவர் உண்மைத்தமிழன் ஃபேஸ்புக்கிலும், பஸ்ஸிலும் புகழ் பரப்பிக்கொண்டிருக்க, கொஞ்சம் எட்டிப் பார்த்தேன். அய்யராத்து காபி சுவை என்னை உள்ளே கவர்ந்திழுத்தது. அப்புறம்தான் தெரிந்தது இவர் சிறுகதை ஸ்பெஷலிஸ்ட் என்று. சாம்பிளுக்கு இந்த பூனைக்குட்டி சிறுகதையை படித்துப் பாருங்களேன். பெண்ணாக இருந்து கொண்டு ஆண்களின் ஃபீலிங் பற்றி புட்டு புட்டு வைத்திருக்கிறார் பாருங்கள். எல்லாக் கதைகளிலுமே அம்மா செண்டிமன்ட் கொஞ்சம் தூக்கல் தான்.

இந்த வார பாடல்:

ரொம்பவும் பழைய மற்றும் அரிய பாடல். விதவை மறுமணம் பற்றி அதிக அளவில் விழிப்புணர்ச்சி இல்லாத காலகட்டத்தில் வந்த ஒரு புரட்சிப்பாடல். நீண்ட நாட்களாக தேடிக்கொண்டிருந்த பாடல் யூடியூப் மூலம் கிடைத்திருக்கிறது.

இந்த வார காணொளி:

CAMLIN பெர்மனன்ட் மார்க்கருக்கான விளம்பரம். நகைச்சுவையினூடே கொஞ்சம் நம் நாட்டு மூடநம்பிக்கைகளையும் துவைத்து காயப்போட்டிருக்கிறார்கள்.

இந்த வார புகைப்படம்:

இந்த வார தத்துவம்:

“மற்றொருவனைப் பற்றி உன்னிடம் ஒருவன் புறம் பேசினால், நீ உன் செவியை அடைத்துக்கொள்...”

-     டூவார்லஸ்

இந்த வார மொக்கை:

நபர் 1: ஹோட்டல்ல சாப்பிட்டுட்டு பாக்குறேன்... கையில காசில்ல...!

நபர் 2: அய்யய்யோ... அப்புறம் என்ன பண்ணீங்க...?

நபர் 1: அப்புறமென்ன பாக்கெட்டுல இருந்து எடுத்துக்கொடுத்தேன்...!

என்றும் அன்புடன்,

N.R.PRABHAKARAN